د لغمان ولایت د ځمکې غصب مخنیوی او غصب شویو ځمکو بېرته راکرځولو تخنیکي پلاوي کړنې
د لغمان ولایت د اماراتي، سلطاني، مرعي او وقفي ځمکو د غصب مخنیوی او غصب شویو ځمکو بېرته راکرځولو تخنیکي پلاوي غړي په دې ولایت کې د ځمکې غصب مخنیوی او بېرته راګرځولو په پار هلې ځلې کړندي کړي دي.
ددغو هلو ځلو په دوام د لغمان ولایت تخنیکي پلاوي ددې ولایت دمرکز اړوند کله کوټ او دقرغیو ولسوالی اړوند اغراباد سیمو ته سفر وکړ او دکله کوټ د (58.311) جریبه استرداد شوې ځمکې داجارې ورکونې د بیې ایښودنې او دغه راز د قرغیو ولسوالی اړوند داغراباد سیمې غصب شوې ځمکې د بررسۍ لپاره له یادو سیمو څخه لیدنه وکړه.
باید وویل شي، چې د لغمان کې د ځمکې د غصب مخنیوی او غصب شویو ځمکو د بېرته را ګرځولو کمېټه تر دې دمه په دې ولایت کې د ډېرو امارتي ځمکو د غصب مخنيوی کړئ او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
