د غزني دکرنې رییس د دهیک ولسوالی ولسوال سره وکتل
۱۴ کب ۱۴۰۴ه.ش
۱۶ رَمَضانُ المُبارَک ۱۴۴۷ه.ق
د غزني دکرنې، اوبولګولو او مالدارۍ رییس مولوي محمد اسماعیل شکیب ددې ولایت د دهیک ولسوالی له ولسوال مولوي غلام حیدر طه سره په کتنه کې په دې ولسوالی کې د کرنې او مالدارۍ په برخه کې پر شته ستونزو ننګونو او فرصتونو خبرې اترې وکړې.
ددې غونډې په ترڅ کې د دهیک ولسوالی ولسوالی د یادې ولسوالی د بزګرانو، بڼوالو او مالدارانو ستونزې او ننګونې دکرنې رییس سره شریکې کړې.
د اوبو کمښت او د اوبولګولو د منظم سیستم نشتوالی د اصلاح شویو تخمونو اوکیمیاوي سرو کمښت، دحیواني ناروغیو زیاتوالی او د واکسیناسیون د خدمات د تخنیکي وسایلواومسلکي ملاتړ کمښت هغه ستونزې وې، چې د کرنې رییس سره شریکې شوې.
د غزني دکرنې، اوبولګولو او مالدارۍ رییس مولوي محمد اسماعیل شکیب د دهیک ولسوالی ولسوال ته ډاډ ورکړل، چې یادې ستونزې به له اړوندو تخنیکي څانګو سره شریکې او د حل لپاره به لازم اقدامات ترسره شي. همدارنګه ټینګار وشو چې د بزګرانو او مالدارانو د ملاتړ په موخه به د همغږۍ لړۍ دوام ولري.
