د شمالي ولايتونو د څړځايونو د سروې، تشخیص او تثبت د بشپړېدو په پار غونډه دائره شوه 

د کرنې اوبولګولو او مالدارۍ وزارت د اراضۍ لوی رياست کې د شمال زون فارياب، جوزجان او بلخ ولايتونو کې د څړځايونو د سروې، تشخیص او تثبت د بشپړېدو په پار غونډه دائره شوه.
په دغه غونډه کې د کرنې وزارت د اراضۍ لوی رييس مولوي محمود مظلوم، د سرحدونو، قومونو او قبایلو چارو وزارت مرستيال مولوي محمد اسماعيل غزنوي، د عدلیې وزارت د انسجام لوی رییس مولوي احسان الله وثیق، د سترې محکمې استازی شېخ مولوي عبدالصمد او د اراضۍ ادارې د ارزونې، استملاک او بيا مېشتېدنې رييس مولوي حضرت محمد طیب ګډون درلود.
په پیل کې د اراضۍ لوی رييس مولوي محمود مظلوم ټولو راغلو ميلمنو ته ښه راغلاست ووايه او د هغو ټيمونو او مسؤلينو د زیار او کوښښ څخه چې په څو میاشتو کې د هېواد شمالي ولايتونو د څړځايونو د سروې، تشخیص او تثبت په پار په دنده بوخت وو د زړه له کومي مننه وکړه.
ورپسې د اراضۍ لوی ریاست د ارزونې، استملاک او بيا مېشتدنې رييس مولوي حضرت محمد طیب د فارياب، جوزجان او بلخ ولايتونو د څړځايونو د سروې، تشخيص او تثبیت د بشپړېدو په پار خپل مکمل ګذارش يادو مسؤلينو ته وړاندې کړ.
د غونډې په پای کې د ټولو ادارو مسؤلينو پرېکړه وکړه، چې په راتلونکي کې به د دغو ولايتونو په څېر د شمال زون پاتې نورو ټول ولايتونو د څړځايونو د سروې او تثبيت چارې به پیل شي.