د سوېل لویدیځ زون د کرنې ریاست یوشمېر مسلکي کارکوونکي وروزل شول
۱۷ وږی ۱۳۹۹
د کرنې، اوبولګولو او مالدارۍ وزارت له خوا د ملګرو ملتونو د خوړو او کرنې ادارې «FAO» په همکارۍ د سویل لویدیځ زون د پنځو ولایتونو «هملند، کندهار، زابل، نیمروز او ارزګان» د کرنې ریاستونو مسلکي کارکوونکو ته د «جيآیاس» د زده کړې درې ورځنۍ روزنیز پروګرام پای ته وسېد.
په دغه روزنیز پروګرام کې د یادو ولایتونو د کرنې ریاستونو مسلکي کارکونکي د ولایتونو اقلیمي شرایط، د اوبو سرچینو، د خاورې ډولونه، د تودوخې بدلون، رطوبت، د بارانونو کچه، څړځایونو، ځنګلونو، للمي ځمکې، اوبیزې ځمکې او نور اړونده مهمو برخو کې هر اړخیز معلومات ورکړل شو.
د یاد روزنیز پروګرام کډون کوونکي اوس کولای شي، چې په یادو برخو او د شمېرو د ټولولو په برخه کې شته ستونزې هوارې کړي او په راتولونکې کې د خپلو اړوندو ولایتونو پلانونو کې ورڅخه ګټه پورته کړي.
ددې روزنیزې برنامې موخه د کرنې وزارت د ولایتي کارکوونکو وړتیا لوړل او په یادو برخو کې د شته ستونزو هوارول دي.
