د دولتي وبپاڼو په ارزونه کې، د کرنې وزارت وبپاڼه لومړی ځای خپل کړ

mail-admin
سه‌شنبه ۱۳۹۹/۹/۱۱ - ۱۷:۱۹
د دولتي وبپاڼو په ارزونه کې، د کرنې وزارت وبپاڼه لومړی ځای خپل کړ


۱۱ لیندۍ ۱۳۹۹
اطلاعاتو ته د لاس رسي کمیسیون، د وزارتونو او خپلواکو بنسټونو اړوند د ۴۴ وبپاڼو د ارزونې په راپورکې اعلان کړئ، چې ددغو وبپاڼو له ډلې د کرنې، اوبولګولو او مالدارۍ وزارت وبپاڼه لومړی ځای خپل کړئ دی.
اطلاعاتو ته د لاس رسي کمیسیون په هغه غونډه کې، چې نن اطلاعاتو ته د لاس رسي تر عنوان لاندې د دې کمیسیون دمشرتابه او غړو، په کابل کې د دولتي اداراتو د اطلاع رسونې د مراجعو مسوولینو، د روڼتیا څار ادارې، د خبریالاتو د خوندیتوب کمېټه او د مدني ټولنو د استازو په شتون کې په لاره اچول شوې وه، د ۴۴ دولتي او خپلواکو ادارو د وبپاڼو د ارزونې تحلیلي راپور په وړاندې کولو سره وویل، چې اطلاعاتو ته د لاس رسي په قانون کې د ۴۴ وړاندیز شویو شاخصونو په پام کې نیولو سره د کرنې وزارت وبپاڼه د ۹۹.۹۷ امتیازاتو په تر لاسه کولو سره لومړی ځایل خپل کړی دی.
په دې خبرو اترو کې اطلاعاتو ته د لاس رسي د کمیسیون کمیشنرې زهرا موسوي، وویل، چې په دې راپور کې اطلاعاتو ته د لاس رسي د قانون د ۱۵ مادې د پلي کېدو د څارنې په موخه اطلاعاتو ته د لاس رسي د پیاوړتیا تامین، د اطلاع رسونې د کلتور د پیاوړتیا او روڼتیا څخه ډاډ، اطلاعاتو وړاندې کولو ته د اداراتو ځواب ورکونه او اطلاعاتو ته د لاس رسي د زېربناوو جوړل شامل دي. مېرمن موسوي زیاته کړه، چې ددې راپور د موندنې له مخې، د اداراتو وبپاڼې په درې ډلې عالی، متوسط او ضعیف ډل بندي شوي دي.
اطلاعاتوته د لاس رسي د کمیسیون په راپور کې دغه راز راغلی دی چې د کرنې، اوبولګولو او مالدارۍ وزارت لومړنی اداره ده، چې اطلاعاتو ته د لاس رسي د قانون د ۱۵ مادې د شاخصونو پر اساس یې وبپاڼه څارل شوی دی. په دې راپور کې کښل شوې ده: «ددې وزارت په وبپاڼه کې اطلاعات د ۴۴ شاخصونو سره په شپړه توګه سم خپاره شوي دي، چې له دې ډلې کولای شوچې د ادارې د مالي لګښتونو د وضعیت خپرېدو ته اشاره وکړو، چې یاد لګښتونه په هره اوونۍ کې خپریږي. د یادونې وړ ده، چې د کرنې، اوبولګولو او مالدارۍ وزارت وبپاڼه ډېره غني وبپاڼه ده او ددې وبپاڼې د لا غنامندۍ په پار په یوشمېر برخو له ډلې د ادارې د تشکیل جزییات، او دغه راز شته سلاکران او یوشمېر نورو برخو کې د نظارتي ټیم له خوا مشورې ورکړل شوي دي، چې هرکلی یې شوی دی.»
په همدې حال کې، د کرنې، اوبولګولو او مالدارۍ وزارت د اطلاعاتو رییس او ویاند اکبر رستمي، اطلاعاتو ته د لاس رسي د کمیسیون په نننۍ خبرو اترو کې، ددې وزارت د کړنو په ځانګړې توګه د وبپاڼې د غنماندۍ، د مخکیني اطلاعاتو خپرول او اطلاعاتوته د سیسټم په جوړولو کې د تر سره شویو کړنو جزییات وړاندې کړل. ښاغلی رستمي اطلاعاتو ته د لاس رسي له کمیسیون څخه د مننې ترڅنګ وويل، چې اطلاعاتوته د لاس رسي د قانون د بشپړ پلي کولو په برخه کې د کرنې وزارت جدي اداره دی.
د کرنې وزارت وبپاڼه په داسې حال کې د ۴۴ دولتي او خپلواکو ادارو ترمنځ لومړی ځای خپل کړی دی، چې تېرکال هم په همدې ځای کې وه.
نږدې دوه میاشتې وړاندې هم د کرنې وزارت د افغانستان د روڼتیا څار ادارې له خوا د اطلاع رسونې د سروزرو کلید خپل کړ او د دولتي ادارو تر منځ د اطلاع رسونې په برخه کې لومړی ځای خپل کړ.

تازه ترین اخبار

پنجشنبه ۱۳۹۹/۱۱/۲ - ۱۱:۳۱
Background image

د زرغونتیا په پار هلې ځلې؛ میدان وردګ کې څه باندې دوه نیم زره جریبه نوي بڼونه جوړ شوي

۲ سلواغه ۱۳۹۹
د میدان وردګو ولایت د کرنې، اوبولګولو او مالدارۍ ریاست چارواکي وایي، چې د یاد ولایت د زرغونتیا او د بڼوالۍ د پراختیا په پار یې سږ کال دوه زره او ۵۵۲ جریبه بېلابېل بڼونه. . .

پنجشنبه ۱۳۹۹/۱۱/۲ - ۱۰:۲۵
Background image

پکتیا کې پر ۶۵ قوریه لرونکو د چهارمغزو او جلغوزې تخمونه ووېشل شول

۲سلواغه ۱۳۹۹
د پکتیا دکرنې، اوبولګولو او مالدارۍ ریاست د ټولنې په کچه د ځمکې او ځنګلونو تلپاتې مديريت( FAO-GEF ) پروژې په همکارۍ ددې ولایت د احمداباد او سیدکرم ولسوالیو پر ۶۵ قوریه. . .

چهارشنبه ۱۳۹۹/۱۱/۱ - ۱۶:۱۹
Background image

د زابل ولايت له والي او استازو سره دکرنې وزير ليدنه: دبڼوالۍ او مالدارۍ پر پراختيايي برنامو خبرې اترې

۱ سلواغه ۱۳۹۹
دکرنې، اوبولګولو او مالدارۍ وزير ډاکټر انوارالحق احدي دخپل کار په دفتر کی دزابل والي احمدګل رسولي، په ولسي جرګه کې دزابل استازو عبدالقادر قلاتوال، زهرا توخۍ او ددې ولايت. . .

بازگشت