د خوشتیپې کانال او سربند د تخنیکي مطالعې وروستي راپور په اړه غونډه وشوه

naim.rezai
سه‌شنبه ۱۴۰۰/۳/۱۸ - ۱۷:۱۲
د خوشتیپې کانال او سربند د تخنیکي مطالعې وروستي راپور په اړه غونډه وشوه

۱۸ غبرګولی ۱۴۰۰
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت الله غفوري په مشرۍ د خوشتیپې کانال د تخنیکي مطالعې د بشپړیدو او د اوبو سربند په اړه غونډه په لاره واچول شوه.
په دې غونډه کې دکرنې وزارت د اوبولګولو نوې ټکنالوژیو ریاست سرپرست او د وزارت له خوا د خوشتیپې د پروژې مسوول شاکرالله هاشمي، د اوبولګولو سلاکار محمد آقا ملاخېل او اکبر سالار په حضوري ډول او د امریکا متحد ایالاتو نړیوالې پراختیایي ادارې «USAID» څخه عتیق الرحمن جلیل، قسیم نظري، ډاکټر سمیع، اباسین نوان او د «SWIM» ادارې مسوول جوزیف موني په انلاین ډول د ويډيو کنفرانس له لارې ګډون درلود.
 په یاده غونډه کې د امریکا متحد ایالاتو نړیوالې پراختیایي ادارې «USAID»له خوا د خوشتیپې ملي پروژې د سربند د امکان سنجۍ مطالعاتو وروستی پریزنټیشن وړاندې شوه او بیا وروسته د وزارت تخنیکي ټیم د موندنو په راپور باندې خبرې وشوې.
 دغه راز په دې غونډه کې د آمو له سیند څخه د اوبو اخیستلو، د نباتاتو د ډولونو، د ابولګولو له اړخه ددغې پروژې پر ظرفیت او داسې نورو موضوعاتو اړوند هم خبرې اترې وشوې.
 د خوشتیپې ملي پروژې د امکان سنجۍ مطالعات او د سربند هایدرولوژيکي او تخنیکي سروې بشپړه شوې او په راتلونکې کې به د خوشتیپې پروژې د مطالعاتو بشپړ شوي اسناد د امریکا متحده ایالاتو پراختیا ادارې USAID) ) له لوري د کرنې وزارت سره شریک شي.
بايد وويل شي، چې د خوشتيپې د اوبولګولو د ملي پروژې اوبه د امو له سینده تامنیږي، چې د کندز له ولایت څخه پیل او د فاریاب په ولایت کې پای ته رسېږي. ددې پروژې په پلي کولو سره څه باندې ۵۰۰ زره هکټاره نوي ځمکې د خړوبولو تر پوښښ لاندې راځي. د یادې پروژې د لومړي پړاو څېړنې بشپړ شوي دي او په نږدې راتلونکې کې به يې رغنیزې چارې پیل شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت