د خوست شمل فارم کې د کبانو روزنې پروژې له کارونو څخه څارنه وشوه
۳۰ لړم ۱۴۰۳ه.ش
۱۸ جُمَادَى الأول ۱۴۴۶ه.ق
د خوست د کرنې، اوبو لګولو او مالدارۍ ریاست انجینرانو په شمل فارم کې د کبانو روزنې او هچرۍ جوړولو پروژې له کارونو څخه د څارنې پر مهال د دې پروژې تطبیقوونکو ته اړینې لارښوونې وکړې.
د خوست ولایت د کرنې، اوبو لګولو او مالدارۍ ریاست تر چتر لاندې انجینرانو د شمل فارم د کبانو روزنې او هچرۍ جوړولو پروژې د پرمختګ او کیفیت څخه څارنه وکړه. د دې پروژې کارونه د کرنې ریاست تر مستقیمې څارنې لاندې د نقشې او پلان مطابق په منظمه توګه پر مخ روان دي. د انجینرانو لهخوا د کیفیت د ښه کولو او د انجنیرۍ اصولو مطابق د پروژې پر ټولو چارو ټینګار وشو او اړینې لارښوونې هم ترسره شوې.
د کبانو روزنې او هچرۍ جوړولو پروژې د خوست ولایت د کرنیز سکتور د پراختیا یوه مهمه برخه ده، چې موخه یې د کبانو تولید زیاتول او خلکو ته د تازه کبانو د لاسرسي اسانتیا برابرول دي.
