د خوست دکرنې رییس د غلام خان بندر قرنطین مدیریت څخه لیدنه وکړه
۲۴ کب ۱۴۰۲ه.ش
۴ رَمَضانُ المُبارَک ۱۴۴۵ه.ق
د خوست دکرنې، اوبولګولو او مالدارۍ رییس مولوی محمد زمان عمري په داسې حال کې، چې د کرنیزو چارو آمر مولوی اسلم خان منیب او د مالدارۍ آمر ماسټر انعام الله جاوید یې ملتیا کوله د غلام خان بندر د قرنطین د دفتر د بېلابېلو څانګو څخه څارنه وکړه، د دوی ستونزې یې وارېدې او له مراجعینو سره په ښه چلند او پروخت د کار ترسره کولو باندې ټينګار.
په همدې حال کې د غلام خان بندر مدیریت چاروکو د قرنطین ټولې چارې تشریح کړې او د خپلو کارونو په اړه یې هر اړخیز معلومات وړاندې کړل.
دغه راز د غلام خان بندر قرنطین مدیریت کارکوونکو دخوست دکرنې رییس له ملاتړ او لازمو لارښوونو خوښي څرګنده کړه او ژمنه یې وکړه چې د اسلامي امارت د رهبرۍ اصولو مطابق به خدمت کوي.
