د جينوا له ژمنو وروسته په افغانستان کې دخصوصي سکټور دونډې ارزونې غونډه په لاره واچول شوه
۵ليندۍ ۱۳۹۹
د جينوا کنفرانس له ژمنو وروسته په افغانستان کې دخصوصي سکټور د ونډې د ارزونې په موخه دافغان-امريکايي سوداګرۍ خونه "AACC" او دافغانستان دسوداګرۍ او پانکونې خونې "ACCI" له خوا دکرنې، اوبولکولو او مالدارۍ وزارت نوماند او سرپرست وزير داکتر انوارالحق احدي په ګډون او وينا په انلاين بڼه په لاره واچول شوه.
په دې غونډه کې دافغانستان د سوداګرۍ او پانګونې خونې اجرايي رييس سيد زمان هاشمي، د افغان-امريکايي دسوداګرۍ خونې رييس جفري ګريکو او دنورو اړوندو بنسټونو استازو ګډون درلود.
دخصوصي سکټور له لارې د سوداګرۍ، پانگونې او د افغانستان پر ودې خبرې اترې، دافغانستان خصوصي برخې لپاره دګډې پانکونې فرصتونه اودغه راز په يادو برخو کې پوښتنې او ځوابونه ددې غونډې بېلابېلې برخې وې.
دغه غونډه دجينوا کنفرانس "سوله، سوکالي او دافغانستان ځان بسياينه" له بشپړېدو وروسته په لاره اچول شوې وه.
