د تصفيې او د مالکیت د حق تثبيت رییس معرفي شو
د کرنې، اوبولګولو او مالدارۍ وزارت په وړانديز او د افغانستان اسلامي امارت رياست الوزراء د حکم په اساس د کرنې وزارت د اراضۍ لوی ریاست په دوم بست کې ښاغلی مولوي نياز محمد رهبر د تصفيې او د مالکیت د حق تثبيت د رییس په توګه معرفي شو.
په دې اړه مراسم، چې د کرنې وزارت د اراضۍ لوی ریاست په عمومي تالار کې جوړه شوې وه د کرنې وزارت مالي او اداري مرستیال ملا آغا جان آخند «حاجي سالم»، د اراضۍ لوی رییس مولوي محمود مظلوم او د اراضۍ لوی ریاست د مختلفو څانګو رییسان او کارکوونکو ګډون درلود.
په پیل کې د کرنې وزارت مالي او اداري مرستيال نوي ګمارل شوي رییس ته مبارکي وويله او نومړي ته په خپلو چارو کې د برياليتوب غوښتنه وکړه.
د کرنې وزارت مالي او اداري مرستيال د اراضۍ لوی رياست له ټولو مسؤلينو او کارکوونکو څخه وغوښتل، چې نوي ګمارل شوي رییس سره په پوره توګه همکاري وکړي.
ورپسې د اراضۍ لوی رییس مولوي محمود مظلوم هم د تصفيې نوي ګمارل شوی رییس ته د برياليتوب ترڅنګ وويل: «د اراضۍ لوی ریاست د تصفيې رياست يو له مهمو رياستونو څخه شمېرل کېږي، چې د ډېرو ادارو کارونه له دې رياست سره تړي دي نو هيله ده، چې د تصفيې رییس په خپلو چارو ته په پوره توګه پاملرنه وکړي.» ښاغلی مظلوم د ياد رياست له کارکوونکو څخه وغوښتل، چې خپل مسؤل سره په پوره توګه همکاري وکړي.
