د بڼوالۍ ځنځیري ارزښت د پراختیا پروژه میدان وردګ کې د کچالو ۱۰۸ زېرمتونونه جوړوي
۲۶ لړم ۱۳۹۹
د کرنې وزارت د بڼوالۍ ځنځیري ارزښت د پراختیا پروژه «HVCDSP»، د کرنیزو محصولاتو مدیریت د پروژې تر چتر لاندې په میدان وردګو ولایت کې د کچالو ۱۰۸ زېرمتونونه جوړوي.
ددغو زېرمتونونو رغنیزې چارې ۹۵ سلنه بشپړ شوي او ټاکل شوې، چې تر یوې اوونۍ ګټې اخیستنې ته وسپارل شي.
ددغو زېرمتونونو د جوړولو ټولیز لګښت ۶۶میلیونه او ۴۷۵زره او ۵۱۲ افغانۍ ده، چې دکرنې وزارت د بڼوالۍ ځنځیري ارزښت د پراختیا پروژې «HVCDSP» په مدیریت پرمخ وړل کیږي. ددې لګښت ۸۰ سلنه د کرنې وزارت او ۲۰ سلنه نور یې برخمن شوي بزګران ورکوي.
دغه زېرمتونونه هر یوه یې ۱۲مټریک ټنه وړتیا لري.
