د اوبو مدیریت په پار هڅې؛ د هلمند نادعلي کې د اوبولګولو پروژه پلي کېږي
۱۱ زمری ۱۴۰۳ه.ش
۲۶ مُحَرَّمُ الحَرام ۱۴۴۶ه.ق
دهلمندولایت دکرنې، اوبولکولو اومالدارۍ ریاست په هلو ځلو ، د ژغورنې نړۍوالې کمیتې په مالي همګارۍ، د نادعلي ولسوالی مرکزي سیمه کې د ۵ کیلومتره زابر پاک کولو او د ۳۱ غربي ساحه کې د اوبولګولو دتنظیم په موخه د اوبو دروازې رغول کېږي.
په همدې موخه د هلمندولایت دژغورنې نړۍوالې مؤسسې د هلمند څانګې مسؤل او ورسره مل انجینران نادعلي ولسوالی ته د خپل سفر په ترڅ کې دیادې ولسوالی ولسوال، استخبارتو او دکرنې له مسولیونو سره ناسته وکړه او خپل کاري پلان یې ورسره شریک کړ چې د مسوُلینو لخوا ورته دکار د ښه پرمختګ په برخه کې د بشپړې همګارۍ ډاډ ورکړل شو.
ددې پروژې په پلي کېدو په ترڅ کې به د نادعلي ولسوالی لسګونو خلکو ته دکار زمینه برابره شي، چې د کار په بدل کې به ځایي روزمزد کسانو ته نغدې پیسې ورکول کېږي.
