د اوبولګولو او طبیعي سرچینو مرستیال د پکتیا دکرنې رییس او کارکوونکو سره وکتل

د کرنې، اوبولګولو او مالدارۍ وزارت د اوبولګولو او طبیعي سرچینو مرستیال مولوی باز محمد فیضان او ورسره مل پلاوی پکتیا ولایت ته د خپل کاری سفر په ترڅ کې ددې ولایت د کرنې، اوبولګولو او مالدارۍ رییس مولوي عبدالرؤف سعید او ددې ادارې له کارکوونکو سره د غونډې په ترڅ کې د دوی ستونزې او وړاندیزونه واورېدل.
ددې لیدنې په ترڅ کې د پکتیا دکرنې رییس مولوی عبدلرؤف سعید دکرنې وزارت د اوبولګولو او طبیعي سرچینو مرستیال سره د پکتیا دکرنې ریاست معلومات شریک او د خپلو کړنو او فعالیتونو راپور وړاندې کړل.
په همدې حال کې دکرنې وزارت د اوبولګولو او طبیعي سرچینو مرستیال مولوی باز محمد فیضان د پکتیا دکرنې ریاست د فعالیتونو څخه خوښي څرګنده او په خپلو خبرو کې وویل: «دکرنې سکټور د ودې او په دې برخه کې د ځآن بسیاینې او د چارو د ښه پرمختګ په پار دکرنې وزارت په تشکیل کې، نوې امریتونه رامنځته کېږي، چې چارې یې مخ په خلاصېدو دي.»
ښاغلی فیضان وویل، چې دځنګلونو دحاصلاتو څخه لس سلنه محصول د ا.ا.ا بشپړ او مسلم حق دی، چې د دولت عوایدو ته جمعه کېږي، همدارنګه دوچو لرګیوڅخه بار ولاړو موټرو په هکله یې ووی،ل چې نومړي موضوع دلوړو مقاماتو سره شریکه شوي تر وروستۍ پریکړه نهایي شي پایله به یې معلومه او ولسونه شریکه شي.
باید وویل شي، چې د کرنې، اوبولګولو او مالدارۍ وزارت د اوبولګولو او طبیعي سرچینو مرستیال مولوی باز محمد فیضان او ورسره مل پلاوی به د پکتیا ولایت اړوند ځاځی اریوب ولسوالی تفریحي پارک څخه هم لیدنه وکړي.