د اوبولګولو او طبیعي سرچینو مرستیال د ننګرهار له والي سره وکتل

۲۲ سلواغه ۱۳۹۹
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت الله غفوري ننګرهار ولایت ته د خپل سفر په ترڅ کې د ننګرهار والي او د ولسمشر سترسلا کار ضیاءالحق امرخېل سره د ده په دفتر کې وکتل.
حشمت الله غفوري په دې لیدنه کې وویل، چې ننګرهار د کرنې سکټور او په ځانګړې توګه د سټروسو ونو پالنې او تولید په پار غوره اقلیم لري او په دې برخه کې به لاډېرې پاملرنې ووشي.
په همدې حال د ننګرهار والي ضیاءالحق امرخېل یاد ولایت ته د کرنې وزارت د اوبولګولو او طبیعي سرچینو مرستیال حشمت الله غفوري هرکلۍ وکړ او وویل، چې د کرنې وزارت د ننګرهار ولایت په بېلابېلو کرنیزو برخو کې پروژې پلي کړي او ښې لاسته راوړنې لري.
د ننګرهار والي دغه راز په دې ولایت کې د کرنې، اوبولګولو او مالدارۍ سکټور د پراختیا په پار د بنسټیزو او لویو پروژو د پلي کېدو غوښتنه وکړه.