د افغانستان او اوزبیکستان ترمنځ د کرنیزو سوداګریو د غوړېدا هوکړه لیک لاسلیک شو
۳۰ تله ۱۳۹۹
د افغانستان کرنې وزارت د اوبولګولو او طبیعي سرچینو مرستیال حشمت الله غفوري او په کابل کې د اوزبیکستان جمهوریت ټولواک او فوقالعاده سفیر خواجه شادمانوف ترمنځ د بهرنیو چارو سرپرست وزیر محمدحنیف اتمر او مرستیال صدراعظم سردار اوکتامویچ امورزاکوف او د اوزبیکستان جمهوریت د پانګونې او بهرنیو سوداګریو وزیر په شتون کې د کرنیزو سوداګریو د غوړېدا او د دواړو هېوادونو ترمنځ د کرنیزو ناروغیو او افتونو د لېږد مخنیوي په پار د (قرنطین) د ارزونې هوکړه لیک لاسلیک شو.
دغه سند، د کرنیزو سوداګریو په برخه کې د کرنیزقرنطین مواردو رعایتولو په برخه کې د دواړو هېوادونو هوکړه ده، چې پر بنسټ یې د دواړو هېوادونو صادراتي محصولات خوندي کیږي.
د کرنیزو سوداګریو یاد هوکړه لیک د دواړو هېوادونو ترمنځ د سوداګرۍ کچه پراخوي او دغه راز د کرنیزو محصولاتو د سوداګرۍ پرمهال د دوو هېوادنو ترمنځ د کرنیزو افتونو او ناروغیو د لېږد مخه نیسي.
