د ازبېکستان ۴۰ مټریک ټنه مرسته شوي کرنیز تخمونه افغانستان ته ورسېدل
۲۱ غویی ۱۴۰۵ه.ش
۲۴ ذُو ٱلْقَعْدَةِ ۱۴۴۷ه.ق
د افغانستان او ګاونډیو هېوادونو ترمنځ د کرنیزو همکاریو د دوام په لړ کې، د ازبېکستان جمهوریت د افغانستان د کرنې، اوبو لګولو او مالدارۍ وزارت سره د ۴۰ مټریک ټنه اصلاح شویو تخمونو مرسته وکړه.
په دغه مرسته شویو تخمونو کې د پنبې تخم، د شولې او سبو تخمونه شامل دي، چې د حیرتان بندر له لارې هېواد ته وارد شوي دي.
د کرنې وزارت د غلهجاتو او صنعتي بوټو د پراختیا رییس مولوي مصباحالدین مستعین دغه محموله په رسمي ډول تر لاسه کړه، چې وروسته یاد تخمونه د کیهان سبز باروړونکي شرکت له لارې د بلخ ولایت د کرنې، اوبو لګولو او مالدارۍ ریاست ګدامونو ته ولېږدول شول او هلته تخلیه شول.
چارواکی وایي، یاد اصلاح شوي تخمونه به له سهمیهبندۍ وروسته د هېواد بېلابېلو ولایتونو ته ووېشل شي، څو بزګران ترې ګټه واخلي.
د دغې مرستې موخه د بزګرانو ملاتړ، د کرنیزو کښتونو د کیفیت ښه والی او په هېواد کې د کرنیزو حاصلاتو زیاتوالی بلل شوی دی.
