د ارزګان چنارتو کې یوشمېر بڼوال وروزل شول
![د ارزګان چنارتو کې یوشمېر بڼوال وروزل شول](https://www.mail.gov.af/sites/default/files/2024-03/img-20240321-wa0128.jpg)
د ارزګان دکرنې، اوبولګولو او مالدارۍ ریاست له خوا ددې ولایت د چنارتو ولسوالی یوشمېر بڼوال روزل شوي دي.
د چارواکو په خبره دغو بڼوالو ته د بڼونو خوندیتوب او د سلفر جوړونې او کارونې په موخه پوهاوی ورکړل شوی دی.
ددې پروګرام موخه د بڼوالو د پوهې کچه لوړول، د کیمیاوي درملو د کارونې مخنیوی او په ټوله کې د بڼوالۍ سکټور ودې ته زمینه برابرول دي.