د اراضۍ لوی ریاست؛ فراه او نیمروز ولایتونو کې د ځمکو د تثبيت چارې بشپړې شوې
۲۹ مرغومې ۱۴۰۳ھ.ش
۱۸ رَجَب المُرَجَّب ۱۴۴۶ه.ق
د عالیقدر امیرالمؤمنین (حفظه الله تعالی) د حکم په اساس صنعت او سوداګرۍ وزارت لپاره د هېواد په کچه په هر ولايت کې د زر جريبه ځمکې د تثبيت او انتقال په پار د صنعتي پارکونو د جوړولو په موخه فراه او نیمروز ولایتونو کې د ځمکو تثبيت چارې بشپړې شوې.
په دغه پروګرام کې، چې د کرنې وزارت د اراضۍ لوی ریاست لخوا په لاره اچول شوی په فراه او نیمروز ولایتونو کې په داسې حال کې، چې اراضۍ لوی ریاست د املاکي شخړو ته د رسېدنې رییس مولوي محمد حنیف هارون، د دغه ولايت د کرنې، کور او ښارجوړونې، ښاروالۍ، مصتوفیت، کانونو او پټروليم او چاپېريال ساتنې ریاستونو مسؤلين شتون درلود د يادې ځمکې د تثبيت اسنادونه په رسمي بڼه لاسلیک او دغه سندونه به د نورو اجراادآتو په موخه مرکز ته واستول شي.
په پای کې د دواړو ولايتونو مسؤلينو په خپلو ولايتونو کې په جلا توګه ددغه مسؤلیت د پایلې څخه خوښي څرګنده کړه او دا کار يې د هېواد د پرمختګ، آبادی او هېواد والو ته د کار د زمينې برابرولو په برخه کې ښه اقدام وباله.
د يادونې ده، چې ددغو ځمکو اسناد به د نور کړنو لپاره مرکز ته واستول شي، ترڅو د کرنې وزارت د اراضۍ لوی ریاست لخوا ځمکه په قانوني توګه صنعت او سوداګرۍ وزارت ته ولېږدول شي.
