د آمو پنځمې سیندیزې حوزې پروژه تخار کې د اوبولګولو سیسټمون د نتنظیم په پار څه باندې ۳۷۳ میلیونه او ۵۰۰ زره لګولی دی
د کرنې، اوبولګولو او مالدارۍ وزارت د آمو پنځمې سیندیزې حوزې سکټوري پروژه د ۱۳۹۹یم کال په ترڅ کې د تخار په ولایت کې د اوبولګولو او ابرېزو سیسټمونو د تنظیم په پار ۳۷۳میلیونه او ۵۵۲ زره او ۵۴۲ افغانۍ لګولی دی.
د تخار د کرنې رییس سراج الدین مهربان وایي: « د آمو پنځمې سیندیزې حوزې سکټوري پروژه د تخار دکرنې ریاست په هغږۍ په ۱۳۹۹یم کال کې په دې ولایت کې د ابرویزو جوړولو او اوبولګولو د تنظیم په برخو کې، ددې ولایت د درقد، دشت قلعه، خواجه بهاءالدین، ینګي قلعه او تالقان په ولسوالیو کې د ۳۶۶میلیونه او ۳۵۲زره او ۹۹۸ افغانیو په لګښت د ۱۱ کانالونو رغنیزې چارې پیل کړې، چې له دې ډلې د درو کانالونو رغنیزې چارې بشپړ شوي او د پاتې نورو هغو رغنیزې چارې هم ډېرژر بشپړيږي. دغه راز د خواجه غار، خواجه بهاءالدین، ینګي قلعه، دشت قلعه او تالقان په ولسوالیو کې د ۵ میلیونه او ۸۵ زره افغانیو په لګښت نهه واټر شیټونه هم جوړې شوي دي.»
ددې ترڅنګ د آمو پنځمې سیندیزې حوزې سکټوري پروژه د تخار په ولایت کې، د ۶۳۶زره او ۷۱۰ افغانیو په لګښت د غنمو څلور ننداریزې قطعې او د جوارو درې ننداریزې قطعې جوړې کړي دي.
د تخار د کرنې ریاست زیاته کړه، چې د آمو پنځمې سیندیزې حوزې سکټوري پروژه د تخار د کرنې ریاست په هغږۍ د خواجه غار، خواجه بهاءالدین، ینګي قلعه او دشت قلعه ولسوالیو بزګرانو لپاره د اوبو لګولو ۵۳ ټولنې جوړې کړي او پر دوی یې سرټفکېټونه وېشلي دي.
