دکرنې وزیر د فراه مرستیالې والي سره د بزګرانو پر ستونزو خبرې وکړې

mail-admin
سه‌شنبه ۱۴۰۰/۴/۸ - ۱۶:۱۱
دکرنې وزیر د فراه مرستیالې والي سره د بزګرانو پر ستونزو خبرې وکړې

۸ چنګاښ ۱۴۰۰
د کرنې، اوبولګولو او مالدارۍ وزارت وزير، ډاکټرانوارالحق احدي د خپل کار په دفتر کې د فراه ولایت د ټولنیزو چارو مرستیالې سهیلا مومن سره وکتل.
په دې کتنه کې د واړو خواوو د فراه ولایت د کرنې او د بزګرانو پر وړاندې پر شته ستونزو او ننګونو خبرې وکړې.
د فراه مرستیالې والي سهیلا مومن په دې ولایت کې د بزګرانو پروړاندې شته ستونزې او ننګونې د کرنې له وزیر سره شریکې کړې. آغلې سهیلا مومن وویل، چې فراه دکرنې لپاره پراخې ځمکې او مناسب اقلیم لري او په دې ولایت کې د انارو، انګورو، عنابو او هندواڼو ترڅنګ د سبو کرکېله هم ښه پایله ورکوي، خو یادو کرنیزو محصولاتو لپاره د بازار نه شتون د بزګرانو لویه ستونزه ده.
د فراه مرستیالې والي دغه راز په دې ولایت کې د کرنیزو محصولاتو پروسس د مرکز نه شتون هم د بزګرانو پر وړاندې لویه ستونزه وبلله او په یادو برخو کې د کرنې وزارت د پاملرنې غوښتونکې شوه.
سهیلا مومن دغه راز وویل، چې سږني وچکالۍ د فراه ولایت په کرنیزو محصولاتو په ځانګړې توګه د غنمو پر حاصلاتو بده اغېزه کړې ده، چې کروندګر یې له ستونزو سره مخ کړي دي. هغې په دې برخه کې د کرنې وزارت د همکاریو ترڅنګ په دې ولایت کې د غنمو ساتنې د یوګدام جوړولو وړاندیز هم وکړه.
په همدې حال کې دکرنې، اوبولګولو او مالدارۍ وزیر ډاکټر انوارالحق احدي وویل، چې سږني وچکالۍ افغانستان شموله ده او په دې برخه کې مو خپلې طرحې جوړې کړي دي، چې پر بودیجه یې د مالیې وزارت له خوا غور کېږي.
ښاغلی احدي د فراه مرستیالې والي او ورسره مل پلاوي سره په کتنه کې وويل، چې د کرنې وزارت انډولیزه پراختیا ته ژمن دی او امکاناتو ته په کتو به د بزګرانو د ستونزو هوارولو په پار کار ووشي.
دکرنې وزیر دغه راز وویل، چې دمګړۍ هم د کرنې وزارت یوشمېر پروژې له ډلې د کرنیزو محصولاتو مدیریت پروژه او د کرنې د ودې او کلیوالي پراختیا پروژه (CBARD) په دې ولایت کې خلکو ته چوپړتیاوې وړاندې کوي او پروژې پلي کوي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت