دکرنې وزارت له خوا ټرانسپورټ او هوایي چلند وزارت ته په څلورو ولایتونو کې ځمکه انتقالېږي
۶ وږی ۱۴۰۳ه.ش
۲۳ صَفَر المُظَفَّر ۱۴۴۶ه.ق
د کرنې وزارت د اراضۍ لوی ریاست چارواکي وایي، چې په ارزګان، ننګرهار، هرات او میدان وردګو ولايتونو کې د باروړونکو موټرو د ترمينالونو د جوړولو په موخه د کرنې وزارت د اراضۍ لوی رياست لخوا د ټرانسپورټ او هوایي چلند وزارت ته ځمکه انتقالېږي.
په همدې موخه ناسته کې چې د کرنې، اوبولګولو او مالدارۍ وزارت د اراضۍ ریاست د ځمکو د انتقال او وېش په رياست کې جوړه شوې وه د ځمکو د انتقال او وېش رییس مولوي سید محمد سعید او د ټرانسپورټ او هوايي چلند وزارت د پروژو د پلانګذاری د تحقیق او تطبيق رییس داکتر رستم حفيظیار ګډون درلود.
ياده ځمکه د ټرانسپورټ او هوايي چلند وزارت د (۱۹۶) ګنې د ۱۹/۱۱/۱۴۴۵ نېټې په وړانديز او د عالیقدر امیرالمؤمنین (حفظه الله) د (۵۸۷۹) ګنې د ۱/۱۲/۱۴۴۵ نېټې حکم په اساس د اراضۍ لوی رياست لخوا د ټرانسپورټ او هوايي چلند وزارت ته انتقالېږي.
د یادې ځمکې د لېږد تړون د ارزګان، ننګرهار، هرات او میدان وردګو ولايتونو کې په (۳۲۲۹) جريبه ځمکه باندې د باروړونکو موټرو د ترمينالونو د جوړولو په موخه د اراضۍ ادارې د ځمکو د انتقال او وېش رییس مولوي سيد محمد سعيد او د ټراسنپورټ او هوايي چلند د پروژو د پلانګذاری د تحقیق او تطبيق رییس داکتر رستم حفيظیار د ترمنځ لاسلیک شو.
