دکرنې وزارت سرپرست وزیر د ملي پراختیا شرکت له رییس سره وکتل
۲ زمری ۱۴۰۱ ه.ش
۲۵ ذوالحجَّة ۱۴۴۳ ه.ق
دکرنې، اوبولګولو او مالدارۍ وزارت سرپرست وزیر مولوی عبدالرحمن راشد د ملي پراختیا شرکت اجراییوي رییس عبدالرحمن عطاش سره وکتل او خبرې اترې وکړې.
په دې کتنه کې، د کرنې وزارت سرپرست وزیر مولوی عبدالرحمن راشد دکاري موخو او د پروژو په پلي کولو کې د دواړو خواوو پر همغږۍ ټینګار وکړ او ویې ویل: «کرنه د هېواد د اقتصاد اصلي سرچینه ده، موږ باید دکاري برنامو په ځانګړې توګه د کرنې په برخه کې باید یوبل سره په پوره همغږۍ کار وکړو ترڅو خلک او دولت ته ګټور تمام شي.»
په همدې حال کې، د ملي پراختیا اجراییوي رییس عبدالرحمن عطاش دکرنې په سکټور کې د کرنې وزارت او د ملي پراختیا ادارې ترمنځ دوړه اړخیزه همکارۍ مثبت ګام وباله او ویې ویل: «موږ ډېر انساني ځواک، اوبه او ځمکې لرو او معیاري چوپړتیاوې پلي کولای شو، نو باید له خپلو کورنیو شرکتونو څخه ګټه پورته کړو».
د ملي پراختیا شرکت د ملي پراختیا پروژو او برنامو د لاښه پلي کولو او انسجام، د پراختیایي سکټورونو طتبیقي وړتیالوړولو، د هېواد د قتصادي ودې او دغه راز د دولتي تصدیو د چارو د ښه تنظم په پار په ۱۳۹۸ یم کال کې جوړه شوې ده.
