دکرنې وزارت سرپرست د کاپیسا دکرنې رييس سره وکتل
۸ چنګاښ ۱۴۰۱ ه.ش
۳۰ ذوالقعده ۱۴۴۳ ه.ق
دکرنې، اوبولګولو او مالدارۍ وزارت سرپرست مولوی عبدالرحمن راشد، د کاپیسا ولایت دکرنې رییس مولوی روح الله روحاني سره وکتل او په دې ولایت کې بزګرانو ته د وروستیو سېلابونو له وجې د اوښتو زیانونو راپور یې واورېدل.
دا لیدنه چې دکرنې په وزارت کې تر سره شوه، دکرنې وزارت سرپرست وزیر د فعالیتونو د راپور تر اورېدو روسته د کاپیسا ولایت دکرنې، اوبولګولو او مالدارۍ رییس ته سپارښتنه وکړه، چې د زیانمو بزګرانو او مالدارانو دقیقه احصایه دې چمتو کړي، چې دکرنې وزارت له خوا ورسره مرستې ووشي، ترڅو د دوی ستونزې تر یوې کچې هوارې شي.
دغه راز په دې لیدنه کې د کاپیسا ولایت دکرنې، اوبولګولو او مالدارۍ رییس د کرنې له سرپرست وزیر څخه وغوښتل، چې په کاپیسا ولایت کې دې د کورنیو باغچو (بڼګیو) د جوړولو برخې ته پاملرنه وکړي.
