دکابل موسهي کې د کانګو ناروغۍ مخنیوي په پار هڅې؛ له څارویو نمونې واخیستل شوې
۲۰ مرغومې ۱۴۰۲ه.ش
۲۸ جُمَادَى الثاني ۱۴۴۵ ه.ق
د کابل دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په همکارۍ ددې ولایت د موسهي په ولسوالی کې د کانګو تبې ناروغۍ د مخنیوي، د ناروغو څارویو د درملنې او د کانګو ناروغۍ د پېښو د ثبت په پار له څارویو څخه وینه او د څارویو له بدن او چاپېریال څخه د کانګوناروغۍ لېږدوونکي حشرات«کنې» راټول او اړوندو مراجعو ته د څېړنې په موخه وسپارل شول.
د کابل دکرنې ریاست چارواکي وایي، چې په نږدې وروځو کې به ددې ولسوالی اوسیدونکو او مالدارانو ته د عامه پوهاوی په پار د کانګو تبې د مخنیوي په پار کمپاین هم ترسره شي.
د کانګو تبه یو وېروسي ناروغي ده، چې د حشرو، کنو او خځندو او یا هم د څارویو لخوا انسانانو ته لېږدي. د غه تبه په څارویو او انسانانو کې یوه ګډه ناروغي ده، چې ډېری وخت له څارویو څخه انسانانو ته لېږدول کېږي او کله نا کله د انسانانو د مړینې لامل هم کېږي.
