دهلمند د نادعلي او ګرشک ولسوالیو د شاتو مچیو فارم لرونکو ستونزې ته رسېدنه
١۷ غویی ۱۴۰۳ه.ش
٢۷ شَوّال المُکَرَّم ۱۴۴۵ه.ق
دهلمند ولایت د کرنې، اوبولګولو او مالدارۍ ریاست له خوا ددې ولایت د نادعلي او ګرشک ولسوالیو د مچیو لسګونو فارم لرونکو ستونزو د رسېدنې په پار یادو ولسوالیو ته پلاوي استول شوي دي.
په دغو ولسوالیو کې شاوخوا ٥٠ بابه فارمونو نوملړ ترتیب او ددوی د ستونزو او غوښتنو په اړه لازم معلومات راټول شوي دي.
نوموړي فارم لرونکي له خپلو تولیداتو څخه خوښ دي، خو غوښتنه کوي چې له دوی سره دې د ځینو اړتیاو په پوره کولو کې کرنې ریاست لا زیاته همکاري او مرسته ترسره کړي.
دیادولو وړ ده، چې هلمند کې په دې وروستیو کې د شاتو مچیو فارمونه مخ پر زیاتېدو دي چې تر دې مهاله کرنې ریاست ورسره د اړینو توکو ترڅنګ د عامه پوهاوی په برخه کې ګڼې مرستې او همکارۍ ترسره کړي دي.
