دایکندي کې د کچالو ۱۹۹ زېرمتونونه او د پیازو ۵۰ زېرمتونونه ګټې اخیستنې ته وسپارل شول

mail-admin
دوشنبه ۱۳۹۹/۹/۱۰ - ۱۱:۵۳
۱۹۹ ذخیره‌گاه کچالو و ۵۰ ذخیره‌گاه پیاز در دایکندی به بهره‌برداری سپرده شد


۱۰ لیندۍ ۱۳۹۹
د شهرستان ولسوالۍ د «بندبرلان» په سیمه کې د نمونې په ډول د کچالو د یوې زېرمتون په پرانیستلو سره د کچالو ۱۹۹ زېرمتونونو او د پیازو له ۵۰ زېرمتونونو څخه ګټه اخیستنه پیل شوه.
په دې اړه جوړه شوې غونډه کې د دایکندي والي محمدضیا همدرد، د ولایتي بنسټونو رییسانو، په ولایتي شوراګې د خلکو استازو او دایکندي ولایت یوشمېر اوسیدونکو ګډون درلود.
د دایکندي د کرنې، اوبولګولو او مالدارۍ رییس سیدعبدالواحد فیروزي وایي، چې د کچالو ۱۹۹ زېرمتونونه او د پیازو ۵۰ زېرمتونونه د کرنې وزارت د کرنیزو محصولاتو مدیریت د پروژو له ډلې څخه دي، چې د ۱۳۰ میلیونه افغانیو په لګښت د دایکندي ولایت په اتو ولسوالیو کې جوړ شوي دي، چې اوس ګټې اخیستنې ته چمتو دي. د دایکندي دکرنې رییس دکرنیزو محصولاتو مدیریت د پروژو د پلي کولو موخې د کرنیزو محصولاتو ارزښت لوړول، د بزګرانو هڅونه، کارموندنه او د کورنیو اقتصادي ودې ته د زمینې برابرول یاد کړل.
د دایکندي والي په دې ولایت کې د کرنیزو محصولاتو مدیریت د پروژو له پلی کېدو څخه خوښي څرګند کړه او وویل: «له کومه ځایه چې د دایکندي د ټولنې د اقتصاد بنسټ کرنه ده، ددغو پروژو پلي کول کولای شي، چې بزګرانو او ددې ولایت د کرنیزو محصولاتو د ودې لپاره ډېر اغېزناک او ګټور تمام شي.»
ښاغلی همدرد وویل، چې د مرکزي حکومت په همکارۍ او همغږی سیمه ییز حکومت هم ژمن دی، چې د کرنې په برخه کې پانګونه وکړي او د دایکندي کرنیزو محصولاتو ته پراختیا ورکړي. د دایکندي والي زیاته کړه، چې د کرنیزو محصولاتو مدیریت پروژې په هغو سیمو کې چې ډېرې اړتیاوې ورته لیدل کېدل پلي شوي دي، نو هیله ده، چې خلک له دغو زېربناوو څخه په سمه توګه ګټه پورته او ترې څارنه وکړي.
د ولایتي شورا وکیل حاجي جواهري هم د کرنې له ریاست څخه د مننې ترڅنګ وویل، چې د دایکندي دکرنې ریاست په دې ولایت کې ټول ګټې پروژې پلي کړي دي او دوی په راتلونکو کلونو کې د یادو پروژو د دوام غوښتونکي دي.
تر دې وړاندې د روان کال د لیندۍ په درېیمه نېټه په دایکندي کې دکرنیزو محصولاتو مدیریت د پروژې په اډانه کې د مڼو د ۲۱ سړوخونو له ډلې د ۱۸ سړوخونو چارې بشپړ او له دغو سړوخونو څخه ګټه اخیستنه پیل شوي دي.

تازه ترین اخبار

دوشنبه ۱۴۰۴/۴/۲ - ۱۱:۱۱
Background image

د محمدآغې ولسوالی له بزګرانو او قومي مشرانو سره د عشر ټولولو اړوند د همغږۍ ناسته ترسره شوه

۲ چنګاښ ۱۴۰۴ ه‍.ش
۲۶ ذُو الحِجَّةِ ۱۴۴۶ه‍.ق
د لوګر ولايت د عشر او زکات ټولولو آمریت کارکوونکو چې مشري یي د عشر او زکات ټولولو آمر مولوي سلطان غني هاشمي کوله په داسې حال کې، چې ددغې. . .

دوشنبه ۱۴۰۴/۴/۲ - ۱۱:۹
Background image

د ننګرهار دوو ولسولیو کې د کرنیزو توکو پېرلو په پار لسګونو بزګرانو سره نغدې مرسته وشوه

۲ چنګاښ ۱۴۰۴ ه‍.ش
۲۶ ذُو الحِجَّةِ ۱۴۴۶ه‍.ق
د ننګرهار د کرنې، اوبو لګولو او مالدارۍ ریاست سره په همغږۍ د ماشومانو ساتنې دفتر له لورې د مومندرې او لعلپورې ولسوالیو ۱۰۰  تنو بزګرانو سره. . .

دوشنبه ۱۴۰۴/۴/۲ - ۱۰:۵۳
Background image

د هلمند مرکز لښکرګاه کې د کانګو تبې پر وړاندې د مبارزې وقایوي کمپاین پیل شو

۲ چنګاښ ۱۴۰۴ ه‍.ش
۲۶ ذُو الحِجَّةِ ۱۴۴۶ه‍.ق
د هلمند د کرنې، اوبو لګولو او مالدارۍ ریاست اړوند د مالدارۍ او حیواني روغتیا آمریت له لوري، ددې ولایت مرکز لښکرګاه کې د کانګو تبې خطرناکې. . .

بازگشت