دایکندي کې د مڼو د ۱۸ صفرانرژۍ سړوخونو چارې بشپړ شوې

content_admin
دوشنبه ۱۳۹۹/۹/۳ - ۱۳:۴۲
دایکندي کې د مڼو د ۱۸ صفرانرژۍ سړوخونو چارې بشپړ شوې

۳ لیندۍ ۱۳۹۹
د دایکندي په ولایت کې د کرنیزو محصولاتو مدیریت د پروژې په اډانه کې د مڼو ساتنې په پار د ۲۱ صفر انرژۍ سړوخونو له ډلې تر دې دمه د ۱۸ سړوخونو رغنیزې چارې بشپړ او د درې نورو هغو چارې نږدې ۷۰ سلنه بشپړ شوي دي.
ددغو سړوخونو د جوړولو ټولیز لګښت د بڼوالو له ونډې پرته نږدې ۵۰ میلیونه افغانۍ ده، چې د حکومت له خوا پرې شوې ده.
یاد سړې خونې هر یوه یې د ۲۰ تر ۲۵ ټنه مڼو د ساتنې وړتیا لري.
تر بادامو وروسته، مڼه د دایکندي ولایت د بڼوالۍ تر ټولو ډېر محصول دی، چې په پراخه کچه ددې ولایت په ټولو ۱۰ ولسوالیو کې تولیدیږي.
په دایکندي کې د مڼې څلور زره او ۹۰۰ جریبه بڼونه دي، چې روان کال له دغو بڼونو ۳۵ زره ټنه مڼې راټول شوي دي.
د دایکندي په ولایت کې نږدې ۲۰ ډوله مڼې تولیدیږي، چې تر ټولو مشهور هغه یې د دخترشاه (د پادشاه لور) مڼې دي. د دختر شاه مڼه له تولید وروسته کابل او هرات ولایتونو ته صادریږي، چې غوره کیفیت او ځانګړی خوند لرونکې دي. د دایکندي ولایت د دخترشاه مڼې عاجل پېرېدونکي لري او تر پخېدو مخکې، حاصلات یې پر سوداګرو پلورل کیږي.
په تېرو کلونو کې، د دایکندي ولایت د مڼو د تولیداتو یوه برخه په ټیټه بیه بازار ته وړاندې کېدل او یا هم خوساکېدل، خو د دایکندي دکرنې ریاست په خبره، د روان کال په ترڅ کې د کرنیزو محصولاتو مدیریت د پروژې په پلي کولو سره، چې په کې د مڼو لپاره ۲۱ سړې خونې جوړول شامل دي، تولیدوونکو سره به مرسته وکړي، چې خپل تولیدات له ټولولو وروسته وساتي او د مارکېټ د غوښتنې پر وخت یې بازار ته وړاندې کړي.
په دې توګه هم محصولاتو ته ښه مارکېټ پیداکیږي او هم د بازار اړتیاوې برابریږي، چې د بڼوالو د اقتصادي ودې او د بڼوالۍ د پراختیا لامل کیږي.
په وروستیو کلونو کې د مڼو بڼوالیو کچه زیاته شوې ده او ددې ترڅنګ چې په خپله بڼوال د بڼونو په جوړولو کې ونډه لري، د کرنې وزارت د بڼوالۍ او مالدارۍ ملي پروژه هم په دایکندي کې څه باندې زر جریبه د مڼو استاندارد بڼونه جوړ کړي دي.

تازه ترین اخبار

پنجشنبه ۱۴۰۳/۲/۶ - ۹:۵
Background image

د ننګرهار کانال شرکت د مدیره پلاوي غونډه دکرنې په وزارت کې دائره شوه

د ننګرهار کانال شرکت د مدیره پلاوي غونډه دکرنې په وزارت کې دائره شوه. په دې غونډه کې د ننګرهار کانال شرکت رییس مولوي غلام الرحمن کظیم او تخنیکي ټیم د یاد شرکت د ۱۴۰۲ کال د فعالیتونو او. . .

چهارشنبه ۱۴۰۳/۲/۵ - ۱۶:۱۷
Background image

د مرکزي زون د اوړني نباتاتو د پلان جوړوني ورکشاپ په لاره واچول شو

۵ غویی ۱۴۰۳ه‍.ش
۱۵ شَوّال المُکَرَّم ۱۴۴۵ه‍.ق
د کرنې، اوبولګولو او مالدارۍ وزارت د څېړنو لوی ریاست له خوا د ملګرو ملتونو د خوړو او کرنې ادارې په همکارۍ د مرکزي زون د اوړني نباتاتو د. . .

چهارشنبه ۱۴۰۳/۲/۵ - ۱۴:۴۴
Background image

د ننګرهار کامه کې مېرمنو ته د شاتو د مچیو صندوقونه وېشل شوي

۵ غویی ۱۴۰۳ه‍.ش
۱۵ شَوّال المُکَرَّم ۱۴۴۵ه‍.ق
د ننګرهار د کرنې، اوبولګولو او مالدارۍ ریاست سره په همغږۍ دافغانستان لپاره د هالینډ کمېټې په تخنیکي همکارۍ او د اروپایې ټولني په مالي لګښت. . .

بازگشت