خوست کې یوشمېر کروندګرو سره د اړینو توکو مرسته وشوه
۲۸ سلواغه ۱۴۰۲ه.ش
۶ شَعبان المُعَظّم ۱۴۴۵ه.ق
د خوست دکرنې، اوبولګولو او مالدارۍ ریاست ددې ولایت د تڼیو ولسوالی له ۵۰ کروندګرو سره د اړینو توکو مرسته وکړه.
دغه مرستې چې د اړیکو دفتر په همکارۍ پر یادو کروندګور وېشل شوي دي په کې «بېلچې، کلنګ، پلک، لاسي کراچۍ او جبل» شامل دي، چې ددې ولسوالی د طبیعي سرچینو د پراختیا په موخه د واټرشیډونو په جوړولو کې به ورڅخه ګټه پورته شي.
ددې مرستې موخه د بېوزله کروندګرو ملاتړ، د طبیعي سرچینو خوندیتوب او پراختیا او په ټوله کې خلکو ته د کار زمینه برابرول دي.
