خوست کې پر ۵۰۰ بزګرانو د کرنيزو وسايلو د وېش لړۍ پيل شوی
۱۶ وری ۱۴۰۲ه.ش
۱۴ رَمَضانُ المُبارَک ۱۴۴۴ ه.ق
دخوست ولایت د کرنې، اوبولګولو او مالدارۍ ریاست د "NAC" مؤسسې په همکارۍ ددې ولايت د مرکز متون په ګډون د ياد ولايت د ګربز او تڼی ولسوالی ۱۵۰۰ کورنيو د کرنيزو وسايلو د وېش لړۍ پيل کړی دی.
د چارواکو په خبره ددې پروسې په لړ کې د خوست مرکز کې پر ۵۰۰ بزګرانو پر هرې بزګر دوه دانې بېلچه، یوه دانه لور، یوه دانه آب پاش، دوه دانې لرګی لاستې، یوه دانه شانه، یوه دانه کلتپی ووېشل شول.
په دې اړه جوړه شوې غونډه کې د خوست دکرنې رياست د کرنيزو چارو امر مولوی اسلم خان منیب، په خپلو خبرو کې د یادې موُسسې څخه مننه وکړه چې د کرنې او مالدارۍ په برخه کې د مظلوم ولس لپاره مرستې او همکارۍ کوی او یادې مرستې یې په دې وخت کې د بې وزله بزګرانو لپاره د اقتصادي وضعیت لپاره يو ښه فرصت وبولل.او مستفیدینو څخه یې وغوښتل چې دغه کرنيزو وسایلو څخه تاسو باید د خپلی کروندې لپاره سالمه استفاده وکړئ.
