خوست کې د کبانو روزنې او هچرۍ جوړولو پروژې چارې وڅارل شوې
۵ مرغومې ۱۴۰۳ه.ش
۲۳ جُمَادَى الثاني۱۴۴۶ه.ق
د خوست ولایت کرنې، اوبو لګولو او مالدارۍ ریاست په څارنه کې د شمل فارم د کبانو روزنې او هچرۍ جوړولو پروژې د چارو نظارت ترسره شو. د دې څارنې پرمهال د طبیعي سرچینو آمریت انجینرانو د پروژې د کارونو د نقشې او پلان مطابق پرمختګ تایید کړ.
د کبانو د هچرۍ دا پروژه چې د تولید او ساتنې یو مهم اقدام دی، د کبانو نسل پراختیا، خلکو ته د کار برابرول او د تولید پروسې اغېزمنتیا یې موخې دي. د پروژې بشپړېدل به د کبانو د روزنې او ساتنې معیارونه لوړ کړي او د محلي ټولنې لپاره اقتصادي او اجتماعي پرمختګ ته زمینه برابره کړي. د شمل فارم په معیاري ډول جوړېدل به د خوست ولایت لپاره د کبانو په برخه کې یوه ګټوره پانګونه وي.
