خوست کې د چرګانو فارم لرونکو سره مرسته وشوه
۵ لېندۍ ۱۴۰۳ه.ش
۲۳ جُمَادَى الأول ۱۴۴۶ه.ق
د خوست دکرنې، اوبولګولو او مالدارۍ ریاست د پاملرنې مؤسسې په همکارۍ ددې ولایت د موسی خېلو ولسوالی د چرګانو له یوشمېر فارم لرونکو سره د چرګانو او د چرګانو د روزنې اړونده توکو مرسته وکړه.
د خوست دکرنې ریاست چارواکي وایي، چې ددې مرستې په ترڅ کې هر فارم لرونکي ته ۱۰۰ دانې چرګې، د اوبو ۲۰۰ لیټره بېلر، درې جوړې بوټان، ۱۰۰ کیلوګرامه د چرګانو دانه، د اوبو او دانې لوښې، دست کشې، صابون، ماسک، چونه او هر فارم لرونکو ته ۲۷ زره افغانۍ نغدې پیسې ورکړل شوي دي.
د خوست دکرنې ریاست چارواکي وایي، چې د چرګانو د ورکړي موخه په کور دننه بېوزله کورنیو ته د کار زمینه برابرول دي؛ ترڅو د خوړو خوندیتوب رامنځته او کورنۍ پر ځان بسیا شي.
دغه راز یادو فارم لرونکو ته د چرګانو پاللو، ناروغیو مخنیوی د واکسینونو تطبیق کولو او ګڼو نورو برخو کې روزنه هم ورکول کېږي.
