خوست کې د څارویو د خوراکي توکو زېرمتونونه پرانیستل شول
٧ تله ۱۴۰۲ه.ش
١٤ ربیعالاول ۱۴۴۵ه.ق
د خوست د کرنې، اوبولګولو او مالدارۍ ریاست وايي، چې ددې ولايت مرکز پیرانو سیمه او د نادر شاه کوټ په ولسوالی کې د څارویو خوراکي توکو زيرمتونونه جوړ او ګټې اخیستنې ته وسپارل شول.
د خوست دکرنې رییس مولوي محمد زمان عمري وویل، چې دغه زېرمتونونه د افغانستان لپاره د هالنډ په مالي لګښت مالدارانو ته د اسانتیاوو رامنځته کولو په پار جوړ شوي دي.
ددغو زېرمتونو د جوړولو موخه د مالدارانو څارویو ته د خوراکي توکو اسانتیاوې او د مالدارۍ سکټور پراختیا ته زمینه برابرول دي.
