خوست کې د ځنګلونو د پرېکولو په تور ۲۷ کسان نیول شوي
۱۵ وږي ۱۴۰۲ه.ش
۲۰ صَفَرُ المُظَفَّر ۱۴۴۵ه.ق
د خوست دکرنې، اوبولګولو او مالدارۍ ریاست وايي، چې د دغه ولایت په ګربز او دوهمنده ولسوالۍ کې د ځنګلونو د پرې کولو په تور ۲۷ کسان نیول شوي دي.
د خوست دکرنې ریاست چارواکي وایي، چې دغه کسان د شنې قطعې ځواکونو له لوري په ګربز او دوهمنده ولسوالۍ کې د ځنګل د پرې کولو پر مهال نیول شوي دي.
د خوست ولایت د کرنې اوبولګولو او مالدارۍ رياست وايي، چې نیول شویو کسانو څخه د ځنګلونو د پرې کولو ځینې وسایل هم ترلاسه شوي دي.
خوست کې د ځنګلونو د وهلو په تور دغه کسان داسې مهال نیول کېږي چې د ا.ا.ا د مشرتابه د حکم پر اساس په ټول هېواد کې د ځنګلونو وهل بند شوي دي او هیڅ څوک د ځنګلونو حق نه لري.
