خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي کړنې
۸ کب ۱۴۰۱ه.ش
۶ شَعبان المُعَظّم ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې ورځې په ځينو مهمو موضوعاتو باندې مفصلې خبرې وشوې. په دې غونډه کې دغه راز د صبريو ولسوالی په کرړو سیمه کې د ۱۱۰ جريبه ځمکې موضوع چې تېره اوونۍ ترې ليدنه شوي وه خبرې اترې وشوې، چې اسناد او سوابق به يې دقيق وڅېړل شي. وروسته تخنيکي پلاوی د خوست ګربزو ولسوالی اړوند د کړم سيمې ته ولاړ او په ذکرشوي سیمه کې يې له هغه ځمکې څخه ليدنه وکړه چې د ډبرو سکرو د بسته بندى او پروسس لپاره انتخاب شوي ده خو خلک يې د ځان ملکيت بولي او عملاً په سیمه کې د شريعت د اصولو مطابق نوموړي سیمه د نيڔدې کلي خاصه مرعي وبلل شوه چې په هکله به يې تفصيلي راپور او اسناد د لوړو مقاماتو سره شريک شي.
باید وویل شي، چې د ځمکو د غصب د مخنيوي کميټې تر دې دمه په خوست ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
