خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
ددې غونډې په ترڅ کې صبريو ولسوالی د استخباراتو مدير سره د همدې ولسوالی په حجرو سیمه کې د ۲۸ جريبه ځمکې په هکله خبرې وشوې. دغه راز د تخنیکي پلاوي يو ګروپ د مرکز کاروان سراى او صحرا باغ سیمې ته ولاړ او په نوموړو سیمو کې يې د نوي تصرف څخه خلک په کلکه منع کړل او راتلونکي غونډې ته يې د موضوع په ارتباط د جر و بحٿ لپاره را وغوښتل. ددې ترڅنګ د تخنيکي پلاوي دویم ګروپ د خوست دکرنې رياست کې د مرکز اړوند لکڼو او خرڅينو منطقې هغه اوسيدونکو سره چې تيره هفته راغوښتل شوي وو ليدنه وکړه.
باید وویل شي، چې د ځمکو د غصب د مخنيوي کميټې تر دې دمه په خوست ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
