خوست کې د مالدارۍ سکټور پراختیا او بې وزله کورنیو اقتصادي پیاوړتیا په موخه پروګرام پیل شو
۱۰ وږی ۱۴۰۳ه.ش
۲۷ صَفَر المُظَفَّر ۱۴۴۶ه.ق
د خوست دکرنې، اوبولګولو او مالدارۍ ریاست چارواکي وایي، چې د یاد ریاست د مالدارۍ او حیواني روغتیا امریت تر څار لاندې د افغان پرمختیایي «اې،ډي،اې» مؤسسې په همکارۍ په دې ولایت کې د مالدارۍ سکټور د ودې او پراختیا او د بې وزله کورنیو اقتصادي پیاوړتیا په پار پروګرام پیل شو.
د خوست دکرنې ریاست مرستیال مولوی اظهار الدین ابوناصر وویل، چې ددې پروګرام په پلي کولو سره په د خوست ولایت د یوشمېر مالدارانو ستونزې هوارې او د بې وزله کورنیو اقتصادي پیاوړتیا ته به زمینه برابره شي.
په همدې حال کې ددې پروګرام په ترڅ کې د خوست ولایت په مرکز کې پر یوشمېر اړمنو مالدارانو ۶۱ وزې، ۴۵۰ اوښ مارغه، د څارویو خوراکي توکوي، د خیاطۍ ماشینونه او اړونده توکي وېشل شوي دي.
ددې پروګرام د پلي کېدو موخه د مالدارۍ سکټور ودې او پراختیا او په ټوله کې د بې وزله کورنیو اقتصادي پیاوړتیا ته زمینه بربرول دي.
