خوست کې د اوبولګولو ورخونه ګټې اخیستنې ته وسپارل شول

۱۴ چنګاښ ۱۴۰۱ ه‍.ش
۶ ذوالحجَّة ۱۴۴۳ ه‍.ق
د خوست دکرنې، اوبولګولو او مالدارۍ ریاست وایي، چې په دې ولایت کې د اوبولګولو د یوشمېر ورخونو د رغولو چارې پیل شوي دي، چې له دې ډلې د اسماعیل خېلو او مندوزیو ولسوالۍ د شبي خېلو کلي د ورخونو د رغولو چارې بشپړ او ګټې اخیستنې ته وسپارل شول.
د خوست د کرنې ریاست وایي، چې په دې ولایت کې د «ADA» همکارې مؤسسې له خوا د یو شمېر ورخونو د رغولو چارې پیل شوي دي، چې له دې ډلې د اسماعیل خېلو او مندوزیو ولسوالۍ د شبي خېلو کلي د اوبولګولو د ورخونو د رغولو چارې بشپړ او ګټې اخیستنې ته وسپارل شول.
دغه ورخونه په پاخه او اساسي ډول رغول شوي دي، چې د اوبو د تنظیم او وېش په برخه کې د یادو سیمو د بزګرانو ستونزې په اساسي توګه حل کړي دي. د دغو ورخونو د رغولو ټولیز لګښت ۴۲۶ زره او ۵۰۱ میلیونه افغانۍ ده، چې د «ADA» مؤسسې له خوا تمویل شوي دي.
یاد ورخونه په ټولیزه توګه ۵۰۰ جریبه ځمکه خړوبوی او همدارنګه له دغو ورخونو څخه زرګونه کسان په نېغه او زرګونه نور کسان په نانېغه ډول ګټه پورته کوي.
د دغو ورخونو رغول ددې ترڅنګ، چې د اوبو د ضایعاتو مخه نیسي د ورخونو تر پوښښ لاندې ځمکو د حاصلاتو د ډېر والي لامل هم کېږي.