خوست کې د املوکو لسګونه جریبه بڼونه جوړېږي
۳ غویی ۱۴۰۳ه.ش
۱۳ شَوّال المُکَرَّم ۱۴۴۵ه.ق
د خوست دکرنې، اوبولګولو او مالدارۍ ریاست د «او،آر،ډي» مؤسسې په همکارۍ ددې ولایت مرکز کې د املوکو بڼونو د ترویج او پرختیا په موخه پر ۲۷۰ بزګرانو د املوکو نیالګې وېشلي دي.
د خوست د کرنې ریاست چارواکي وایي، چې ددې ولایت په مرکز کې د ۲۷۰ بزګرانو د سروې چارې بشپړ او پر یادو بزګرانو د املوکو اصلاح شوي نیالګي وېشل شوي دي.
دغه راز د یادې مؤسسې له لارې د خوست قلندر ولسوالی کې هم پر یوشمېر کروندګرو د چهارمغزو نیالګي وېشل شوي دي.
ددې مرستې موخه د بزګرانو او بڼوالو ملاتړ او په ټوله کې په دې ولایت کې د املکو بڼونو ترویج او د بڼوالۍ سکټور ودې او پراختیا ته زمینه برابرول دي.