خبرتیا:د هېواد په ټولو ولایتونو کې د بزګر مېلې او کرنیز نندارتونونه لغو شول
۲۴کب ۱۳۹۸
د کرنې، اوبولګولو او مالدارۍ وزارت د عامې روغتیا وزارت د لارښود پر اساس؛ د کرونا ویروس له احتمالي خپرېدو څخه د مخنیوي په موخه د هېواد په ۳۴ ولایتونو کې د دې وزارت د بزګرمېلې او کرنیز نندارتونونه، لغو کړل.
ددې لپاره، چې د هېوادوالو روغتیا تر ټولو لویه مسأله ده، په کابل کې د پسرلني کرنیز نندارتون او بزګرمېلې تر لغوې وروسته، اوس د هېواد په ټولو ولایتونو کې د بزګر مېلې او کرنیز نندارتونونه، لغو شوي دي.
د کرنې وزارت په دې باور دی، چې باید ټول روغتیاي لارښوونې رعایت شي، ترڅو د هېوادوالو روغتیا خوندي پاتې شي
