تورخم کې افغانستان ته واردیدونکی ۲۲۰۰ اصله د مالټو نیالګي بېرته پاکستان ته ور ګرځول شول
۲۵ سلواغه ۱۴۰۳ه.ش
۱۴ شَعبان المُعَظّم ۱۴۴۶ه.ق
د ننګرهار د کرنې، اوبو لګولو او مالدارۍ ریاست د تورخم قرنطین کارکوونکو د قرنطیني اصولو خلاف په یو هېنو موټر کې د پاکستان هېواد څخه واریدیدونکي ۲۲۰۰ اصله د مالټو نیالګي بېرته پاکستان هېواد ته ور ګرځول شول.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، داچې په ننګرهار کې په کافي اندازه د نیالګیو روزنځایونه او د ننګرهار اقلیمي شرایطو سره برابر مختلف النوع د مالټو بوټي لرو نو اړتیا نشته چې له نورو هېوادونو بي اساسه نیالګي را وارد شي، چې دا نه یواځې زموږ نیالګیو روزنکو ته تاوان دې ترڅنګ یې زموږ بڼوالو ته هم ستر اقتصادي زیان اړوي.
دغه راز له نورو هېوادونو بي اساسه نیالګیو واردولو سره زموږ هېواد ته په نیالګیو کې بېلابېلې ناروغۍ انتقالیږي، چې زموږ د بڼوالۍ سکتور ته نه جبرانیدونکي زیان اړوي.
