بغلان کې د کوچیانو څاروي واکسینېږي
![بغلان کې د کوچیانو څاروي واکسینېږي](https://www.mail.gov.af/sites/default/files/2021-02/150609247_4058168530874383_7405464777913578729_o.jpg)
۲۸ سلواغه ۱۳۹۹
د بغلان د کرنې، اوبولګولو او مالدارۍ ریاست وایي، چې د کرنې وزارت اړوند د خلکو په ګډون دکرنې او مالدارۍ پروژې «DCA/CLAP» له لارې په دې ولایت کې د کوچیانو څاروي د لېونتوب یا «اڼتروټوکسمیا«ETV پر وړاندې واکسینېږي.
ددغو څارویو د واکسین لړۍ پرون د دوشي ولسوالۍ د کیله ګۍ له سیمې څخه پیل شو. ټاکل شوې، چې ددې کمپین په لړ کې به د دوشي، پلخمري، مرکزي بغلان او نهرین په ولسوالیو کې د کوچیانو نږدې ۱۲ زره وري او وزې د انټروټوکسیمیا یا لېونتوب پر وړاندې په سبسایډي ډول واکسین شي.