بغلان کې د پیاز او کچالو د ۷۵زېرمتونونو رغنیزې چارې بشپړ شوې
۲۲ لړم ۱۳۹۹
د بغلان د کرنې، اوبولګولو او مالدارۍ ریاست وایي، چې د کرنیزو محصولاتو مدیریت د پروژې اړوند د ۳۲۵ پروژو له ډلې د ۷۵ پروژو رغنیزې چارې بشپړ شوي دي، چې په کې د پیازو ۴۵ او د کچالو ۳۰ زېرمتونونه شامل دي.
د بغلان ولایت په ۳۲۵نویو کرنیزو پروژو کې د پیازو ۲۱۸ زېرمتونونه، د کچالو ۱۰۱ زېرمتونونه او د مېوو لپاره شپږ صفرانرژۍ سړې خونې جوړول او د مېوو او سبو ۵۰ لمریز وچوونکي دستګاوو وېش شامل دي.
ددغو پروژو له ډلې د ۷۵ پروژو رغنیزې چارې بشپړ شوي او د پاتې نورو پروژو چارې به هم ډېر ژر بشپړ او ګټې اخیستنې ته به وسپارل شي.
