بادغیس کې په تېرو درو کلونو کې یوزرو ۶۷۷ جریبه نوي بڼونه جوړې شوي دي
![بادغیس کې په تېرو درو کلونو کې یوزرو ۶۷۷ جریبه نوي بڼونه جوړې شوي دي](https://www.mail.gov.af/sites/default/files/2021-02/153265999_4071688606189042_4687616516724388999_o.jpg)
۳ کب ۱۳۹۹
د کرنې، اوبولګولو او مالدارۍ وزارت د کرنې د ودې او کلیوالي پراختیا پروژې « CBARD» له لارې په تېرو درو کلونو کې، د بادغیس په ولایت کې، یوزرو ۶۷۷ جریبه نوي بڼونه جوړې کړي دي، چې په کې د پستې، مڼې، انګورو او چهارمغزو بڼونه شاملې دي.
یاد بڼونه د بادغیس ولایت په جوند، غورماچ، قادس او بالامرغاب ولسوالیو کې جوړې شوي دي، چې د جوړولو ټولیز لګښت یې ۳۵ میلیونه او ۵۶۷ زره او ۵۵۱ افغانۍ ده.
د کرنې وزارت په پام کې لري، چې د کرنې د ودې او کلیوالي پراختیا پروژې له لاري، په ۱۴۰۰ ام کال کې د بادغیس ولایت په څلورو ولسوالیو کې د ۱۲۴ زره امریکایي ډالرو په ارزشت ۷۵۰ جریبه نوي بڼونه هم جوړ کړي.