اروزګان کې ۱۰۰۰ مالدارانو سره د څارویو د خوراکي توکو مرسته وشوه
٢۷ لیندۍ ۱۴۰۲ه.ش
۵ جُمَادَى الثاني ۱۴۴۵ ه.ق
د اروزګان دکرنې، اوبولګولو او مالدارۍ ریاست د ملګرو ملتونو د خوړو او کرنې ادراې په مالي او د «اچ،ډبلیو» مؤسسې په تخنیکي همکارۍ ددې ولایت د مرکز ترینکوټ اړوندو سیمو کې پر زرو مالدارو کورنیو د څارویو خوراکي توکي وېشلي دي.
ددغو مرستو په لړکې هر مالدار ته ۲۰۰ کیلوګرامه د څارویو خوراکي توکي ورکړل شوي دي.
دغه راز د یاد دفتر له خوا یادو مالدارانو ته د څارویو روزنې او پالنې په برخه کې روزنه هم ورکړل شوي دي.
ددې مرستې موخه د بېوزله مالدارانو ملاتړ او په ټوله کې ددې ولایت د مالدارۍ سکټور ودې او پراختیا ته زمینه برابرول دي.
