اروزګان کې د خصوصي سکټور حیواني کلینیکونو چارواکو سره د همغږۍ غونډه دائره شوه
۱۸چنګاښ ۱۴۰۳ه.ش
۲ مُحَرَّمُ الحَرام ۱۴۴۶ه.ق
د اروزګان دکرنې، اوبولګولو او مالدارۍ ریاست ددې ولایت مالدارانو ته د غوره چوپړتیاوو وړاندې کولو په پار د خصوصي سکټور حیواني کلینیکونو له چارواکو سره د همغږۍ غونډه دائره کړه.
په دې غونډه کې، د اروزګان دکرنې او مالدارۍ او د خصوصي حیواني کلینیکونو د همغږۍ، پروخت د راپورو شریکول، جوازونو تمدید، یخچالونو فعالول، دوترنرۍ د قوانینو مطابق فعالیتونه ترسره کولو او نورو اړوندو موضوعاتو خبرې اترې وشوې.
په همدې حال کې د خصوصي سکټور د حیواني کلینیکونو چارواکو ژمنه وکړه، چې خپلې چارې د کرنې وزارت معیارونو سره سم پر مخ وړي.
