اروزګان کې انځرو ونو د ناروغیو مخنیوی په پار هڅې
د اروزګان ولایت د کرنې، اوبولګولو او مالدارۍ ریاست، د کرنیزو چارو آمریت اړوند د بوټو ساتنې او قرنطین مدیریت کارکوونکو لخوا، په مرکز ترینکوټ کې د انځرو له یوشمېر بڼونو لیدنه وشوه.
په یادو بڼونو کې د انځرو ونې په یو ډول ناروغۍ اخته شوې وه، چې د یادو کارکوونکو لخوا یې تر تشخیص وروسته په اړه بزګرو ته لازمې سپارښتنې وشوې.
په ورته مهال نوموړو بڼوالو ته پر وخت د اوبو لګولو، حاصلاتو راټولولو او بېلابېلو ناروغیو مخنیوی په برخه کې لازم پوهاوی هم ورکړل شو.
