کندهار کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی غونډه
دکندهار ولایت د امارتي ځمکودغصب مخنیوی اوغصب شویوځمکو بېرته راګرځولو تخنیکي ټیم د یاد تخنیکي پلاوی رییس مولوي محمود مظلوم په مشرۍ غونډه دائره شوه.
د غونډې په پيل کې دکندهار دکرنې رييس او د کمېټې مشر مولوي محمود مظلوم لارښوونکې وینا ترڅنګ د تېرې غونډی دپریکړو دتطبیق ارزونه وکړه.
په دې غونډه کې، دکندهار ولایت مقام د املاکو د مدیریت د راغلي پیشنهاد پر اساس د کندهار ولایت د افغاني ساختماني تصدې د ۸۶ جریبه ځمکي غصب چي په دامان او سپین بولدک ولسوالیو کي موقعیت لري. دغه راز د باریداد د عریضې اړوند یاد شخص د پنچوایی ولسوالی د صالحانو په سیمه کي دولتي ځمکه غصب کړې ده اوس د یادې ځمکې دعاوه کوي، همداراز د محمد سلیمان او محمد شاه اړوند موضوع چي د ارغنداب ولسوالی د املاکو د مدیریت دمعلوماتو پر اساس شخصي ده خو یاده ځمکه بیا د کدستر په اسنادو کي امارتي دولتي ځمکه ده او ترڅنګ یې د حاجي شیراحمد او محمد ظاهر د ژړۍ ولسوالی په دښت کي چې ۷ جریبه دولتي ځمکه غصب کړی دی، خبرې اترې وشوه.
دغه راز یادې غونډې ته د کوچیانو مشران او ملکان هم را غوښتل شوي و د کوچیانو ملکانو ته یو ځل بیا هم د غصب په هکله معلومات ورکړل شول د کوچیانو ملکانو دا وعده وکړل، چې نور به پر دولتي ځمکو باندي تصرفات نه کوي او نورو کوچیانو ته به هم د اعمار اجازه نه ورکوي.
په غونډه کي پر ځینو نورو موضوعاتو هم بحثونه وشول او د غونډي نورو ګډون والو یو له بل سره خپل نظرونه شریک کړل.
باید وویل شي، چې کندهار کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
