خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې غونډې په ځينو مهمو موضوعاتو باندې مفصلې خبرې وشوې.
دغه راز په دې غونډه کې د یوشمېر عارضینو پر دوسیو د خبرو اترو ترڅنګ له یوشمېر کسانو سره د دوی د اړوندو موضوعاتو په هکله خبرې وشوې.
دغه راز په دې غونډه کې د یو شمېر خلکو د اسناد وڅېړرل شول او اړونده اداروته استعلامونه صادر شول چې په اړه به یې لازم تصمیم ونیول شي.
همداراز د تخنیکي پلاوی یوشمېر غړو د خوست د والي د هدایت پر اساس د مقبرو لپاره د ځمکې تثبیت او تعین په پار د خوست مرکز اړوند د خونې خوړ او صحرا باغ سیمو ته ولاړل، چې سیمه له نږدې و ګوري او په هکله یې لازمې پرېکړې ووشي.
باید وویل شي، چې د خوست ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
