ننګرهار کې د ځمکې غصب مخنیوی او غصب شویو ځمکو بېرته راکرځولو تخنیکي کمېټې غونډه دائره شوه

د ننګرهار ولایت د اماراتي، سلطاني، مرعي او وقفي ځمکو د  غصب مخنوی او غصب شویو ځمکو بېرته راکرځولو تخنیکي کمېټې غونډه دائره شوه.
 دغه غونډه ددی ولایت د عدلیې ریاست په مقر کې د کرنې ادارې او تخنیکي پلاوي رییس الحاج مولوی عبدالستار محمد په مشری ترسره شوه، چې په کې پر تېرو موضوعاتو باندې لنډ بحث او رڼا واچول شوه.
دغه راز په دې غونډه کې دننګرهار ښاروالی او زوړ ښار د خلکو تر منځ موضوع په اړه هر اړخیز بحث وشو او د حج اوقافو رییس تر مشرۍ لاندې ګډ پلاوی د موضوع د ښې بررسۍ او څېړنې په موخه وټاکل شو. 
همداراز دغلام ډاګ د تیلو پمپ موضوع په اړه بحث وشو او تصمیم ونیول شو چې کار به نه کوی او خپل اسنادونه به دغصب مخنیوي تخینکي پلاوی ته سپاري.
ددې ترڅنګ په دې غونډه کې د ننګرهار ولایت د حصارک ولسوالی اوسیدونکې قدیم نامی موضوع په اړه بحث وشو. اود سیمې د بررسۍ او څېړنې لپاره ګډ پلاوی وټاکل شو. همدارز د کاراو ټولنیزو چارو ریاست دغصب شوی ملکیت په اړه هم هر اړخیزې خبرې اترې وشوې.