هلمند کې ښځو ته د روبو جوړولو لارې چارې ښودل کېږي

mail-admin
دوشنبه ۱۴۰۰/۴/۷ - ۱۰:۱۶
هلمند کې ښځو ته د روبو جوړولو لارې چارې ښودل کېږي

۷ چنګاښ ۱۴۰۰
د هلمند د کرنې، اوبولګولو اومالدارۍ ریاست د مېرمنو د اقتصادي ودې او دوی ته په کور دننه دکار زمینې برابرول په پار د دې ولایت د مرکز لښکرګاه بېوزله ښځو ته د سبو د پروسس په برخه کې زده کړې ورکوي.
د هلمند دکرنې رییس زلمی الکو وایي، چې د یادې پروسې له لارې به هغه ښځې، چې اقتصادي حالت یې ښه نه وي، بېوزله او له مالي ستونزو سره مخ وي، له رومیانو څخه د روبو جوړولو په برخه کې د زده کړې زمینه ورته برابرېږي، ترڅو له همدې لارې د خپلې کورنۍ اړتیاوې پوره او اقتصادي وضعیت یې ښه شي.
د چارواکو په خبره په کورونو کې د روبو جوړول ګټور کار دی، چې مېرمنو ته د کارې فرصتونو د برابرولو ترڅنګ د دوی په اقتصادي وده کې رغنده رول لري.
ددغو مرستو موخه د مېرمنو اقتصادي ملاتړ او د دوی د کورنیو اقتصادي ودې ته زمینه برابرول دي.
د کرنې وزارت په هېواد کې د مېرمنو د وړتیاوو لوړلو او اقتصادي غوړېدا په موخه پراخ فعالیتونه پیل کړي دي او هلې ځلې کوي چې، بېوزله کلیوالې مېرمنې سره مالي او تخنیکي مرستې وکړي تر څو په راتلونکې کې دغه مېرمنې پر ځان بسیا خپله او کورنۍ یې روښانه راتلونکې ولري.
باید وویل شي، چې د هلمند د کرنې، اوبولګولو او مالدارۍ ریاست د فني او مسلکي کارکوونکو له خوا تردې وړاندې  ددې ولایت هغو نارینه و بزګرانو ته چې رومي بانجان یې کرلي دي، له رومیانو څخه د روبو جوړلو د لارو چارو ښودلو لړۍ هم پیل شوې ده.
د هلمند د کرنې رییس وایي، چې ددې کار موخه د رومي بانجانو د ضایعاتو مخنیوی، غیر موسمي وخت کې له همدې روبو څخه ګټه پورته کول، د وارداتي روبو مخنیوی او د بزګرانو تولیداتو ته بازار موندنه او د دوی د عوایدو زیاتول دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت